Ард Апп

Луйвар ба залилангийн тухайЭРСДЭЛЭЭС ХОЛ, ХӨРӨНГӨӨ ХАМГААЛАрд нь харилцагчдынхаа мэдээллийн нууцлал, бүрэн бүтэн байдал, хүртээмжтэй байдлыг хангахад онцгой анхаарч ажилладаг.

ЛУЙВАР БОЛОН ЗАЛИЛАН

Санхүүгийн луйвар: Санхүүгийн луйвар нь банк, санхүүгийн байгууллагын цахим сүлжээнд хууль бусаар нэвтрэх, гэрээний зүйл заалтаар дамжуулах, мөнгө угаах, терроризмыг санхүүжүүлэх замаар, хэвлэл мэдээллийн хэрэгсэл, олон нийтийн цахим сайтыг санхүүжүүлэх гэх мэт хэлбэрүүдээр илэрдэг.

Залилан: Банк, санхүүгийн байгууллагын цахим сүлжээнд хууль бусаар нэвтрэх, эсвэл хуурамч болон төөрөгдүүлсэн мэдээлэл ашиглан гайхалтай үр дүн амлах замаар бусдын эд хөрөнгийг завших, эсвэл ямар нэг хууль бус үйлдлээр бусдад санхүүгийн хохирол учруулах үзэгдлийг хэлнэ. Санхүүгийн залиланг хийхдээ хүний хувийн мэдээллийг хулгайлах эсвэл хөрөнгө оруулалт мэтээр луйвардах гэх мэт олон янзын аргаар хийж болно

ҮР ДАГАВАР

Санхүүгийн алдагдал: Мөнгөн хөрөнгө, санхүүгийн эх үүсвэр болон эд хөрөнгөө шууд завшуулах, хулгайд алдах.

Сэтгэл санааны хохирол: Залилан мэхлэх гэмт хэрэг нь хохирогчид үл итгэх байдал, айдас түгшүүр үүсгэж, сэтгэл зүйн хувьд тогтворгүй, эмзэг байдалд хүргэх эрсдэлтэй.

Нэр хүндийн хохирол: Залилагчид хохирогчийн нэр хүндэд халдах эсвэл зээлийн түүхэнд асуудал үүсгэхийн тулд хувийн мэдээллийг нь урвуулан ашиглаж болзошгүй.

ЗӨВЛӨМЖ

Хүчтэй нууц үг ашигла: Дахин давтагдашгүй, нарийн төвөгтэй нууц үгээр хамгаалаарай.

Хувийн мэдээлэлдээ анхааралтай бай: Найдвартай эх сурвалжаар хувийн мэдээллээ өгөх, нийгмийн сүлжээнд хэт их мэдээлэл нийтлэхээс зайлсхий.

Эргэлзээ төрүүлсэн мессежийг нягтлах: Ирсэн и-мэйл мессеж бүрийг давхар шалга.

Данс, гүйлгээгээ тогтмол хяна: Зөвшөөрөлгүй гүйлгээ гарсан тохиолдлыг эрт илрүүлэхийн тулд тогтмол хянах

Мэдээллийн аюулгүй байдал

Ард Апп нь финтек салбарт санхүүгийн үйлчилгээг харилцагчдад хүртээмжтэй, найдвартай хүргэхийн зэрэгцээ мэдээллийн аюулгүй байдлыг хангах үүднээс олон улсын ISO 27001:2013 стандарт болон Монгол Улсын холбогдох хууль тогтоомжийн шаардлагыг бүрэн хангасан мэдээллийн аюулгүй байдлын менежментийн тогтолцоог мөрдлөг болгон ажиллаж байна.

Хамтын ажиллагаа ба мэдээллийн аюулгүй байдал

Бид бүтээгдэхүүн, үйлчилгээ үзүүлэгч, түнш байгууллагуудтай хамтран ажиллахдаа мэдээллийн аюулгүй байдлын менежментийн тогтолцоо нь олон улсын стандартын шаардлагыг мөрддөг байхыг зорин ажилладаг.

Харилцагчийн зөвшөөрөл

Мэдээллийг цуглуулахдаа зөвхөн харилцагчийн олгосон зөвшөөрлийн хүрээнд тухайн зорилгод нь нийцүүлэн ашиглана. Хуульд зааснаас бусад тохиолдолд харилцагчийн зөвшөөрөлгүйгээр өөр зорилгоор ашиглах, хуульд зааснаас бусад тохиолдолд гуравдагч этгээдэд дамжуулах, задруулахгүй.

Мэдээллийг хадгалах, хамгаалах

Компани нь үйл ажиллагааныхаа дагуу олж мэдсэн хувь хүний болон бусад этгээдийн нууцыг байгууллагын нууцын адил хамгаална. Ажилтан бүр өөрийн ажил үүргийн хүрээнд хариуцаж байгаа, эсхүл албан үүрэг, мэргэжлийн үйл ажиллагааны дагуу танилцсан, олж мэдсэн хязгаарлагдмал хэрэгцээнд ангиллын мэдээллийг чанд хадгалах, хамгаалах бусдад аливаа хэлбэрээр задруулахгүй.

Мэдээллийн аюулгүй байдлын эрсдэлийн удирдлага

Компани харилцагчийн мэдээллийг хамгаалахын тулд мэдээллийн аюулгүй байдлын эрсдлийг тогтмол үнэлж, удирддаг. Эрсдэлийг багасгах, урьдчилан сэргийлэх, хариу арга хэмжээ авах талаар техникийн шийдлүүдийг хэрэгжүүлэн ажиллаж байна.

Харилцагийн туршлага

Ард Апп нь харилцагчдынхаа дижитал туршлагыг олон улсын түвшинд хүргэх, тасралтгүй сайжруулах зорилгоор IDCXS:2022 (International Digital Customer Experience Standard) стандартыг үйл ажиллагаандаа нэвтрүүлэн ажиллаж байна. Олон улсын бенчмарк түвшний энэхүү харилцагчийн шилдэг туршлага гэдэг нь зөвхөн хурдан шуурхай, хялбар үйлчилгээ төдийгүй, харилцагчийн мэдээллийн бүрэн бүтэн, аюулгүй байдлыг дээд зэргээр хангах явдал юм.